Il-President ta’ Malta Eddie Fenech Adami illum żar l-uffiċċji ta’ l-Aġenzija APPOĠĠ f’egħluq it-tnax-il sena minn mindu twaqqfet. Il-President qal li karatteristika ewlenija tagħna l-Maltin hija dik tas-solidarjeta’. Il-fatt li jimpurtana minn ħaddieħor u t-twaqqif ta’ l-Aġenzija APPOĠĠ tirrifletti fuq l-identita’ tagħna.

Waqt iż-żjara saru żewg preżentazzjonijiet: waħda fuq l-operat u x-xogħol ta’ l-aġenzija u oħra fuq ic-Children’s Fund.  Il-President iltaqa’ wkoll mal-ħaddiema ta’ l-aġenzija.

Il-President irringrazzja lil management u l-ħaddiema kollha tax-xogħol siewi li jagħmlu f’servizzi varji.