OPR - Il-Ħadd 22 ta' Ottubru, 2006

Il-President ta’ Malta, l-Eċċellenza Tiegħu, Dott. Edward Fenech Adami ħalla Malta llum filgħodu, il-Ħadd 22 ta’ Ottubru 2006, għal Budapest, fl-Ungerija.

Il-President Fenech Adami, flimkien ma’ numru ta’ Kapijiet ta’ l-Istat oħrajn, ser jattendi għaċ-ċelebrazzjonijiet tal-Ħamsin Anniversarju tar-Rivoluzzjoni Ungeriża u l-Ġlieda għall-Ħelsien ta’ l-1956 f’Budapest, fuq stedina tal-President ta’ l-Ungerija, l-Eċċellenza Tiegħu László Sólyom.

Il-President mistenni lura Malta nhar it-Tnejn 23 ta’ Ottubru 2006.

Fl-assenza tal-President Fenech Adami, Dott. George Hyzler ser ikun Aġent President ta’ Malta.
 

 - - - - - -

Il-President ta' Malta milqugħ minn l-E.T  László Sólyom, fi State Opera House fl-Ungerija
 

 Il-President ta' Malta waqt ic-cerimonja tat-tlugħ tal-bandiera tar-Repubblika ta' l-Ungerija fi pjazza Kossuth