OPR -  It-Tnejn, 12 ta' Novembru, 2007

 Fil-Palazz, il-Belt, fil-preżenza tal-President ta’ Malta u s-Sinjura Fenech Adami, ic-Chairman tal-PBS, is-Sur Joe Fenech Conti qassam is-somma ta’ Lm418,551 (€975,223) li nġabret waqt il-programm l-Istrina 2006.  

Preżenti għal din il-preżentazzjoni kien hemm ukoll is-Sur Andrew Psaila, Chairman tat-Team ta’ l-Istrina.

Bħas-snin ta’ qabel, nofs is-somma imsemmija, li nġabret mill-programm l-Istrina 2006 ingħatat lill-Malta Community Chest Fund u n-nofs l-ieħor lill-assoċjazzjonijiet oħrajn li kienu applikaw għall-għajnuna, li huma:

·        A.D.H.D. Family Support Group

·        Angela House

·        Assocjazzjoni Voluntarji Lourdes

·        Domus Maria

·        Down Syndrome Association

·        Eden Foundation

·        Ethiopia – Angels Children’s Home

·        Fondazzjoni Nazareth

·        Guide Dogs Foundation – Malta     

·        LAND Group

·        Malta Dementia Society

·        Malta Red Cross Society (Gozo Branch)

·        Malta Wireless and Talking Books for the Blind

·        Multiple Sclerosis Society of Malta

·        Razzett tal-Ħbiberija

·        Ursoline Sisters

Il-President ta’ Malta Dr Eddie Fenech Adami rringrazzja lill-Poplu Malti tal-kontribut tiegħu sabiex jintlaħqu ħafna nies fil-bżonn. Il-President ta’ Malta sostna li l-Maltin huma ġenerużi u solidali lejn min ikollu bżonn l-għajnuna. Ta’ kull sena L-Istrina turi dan is-sens ta’ solidarjeta’ li jagħmel parti mill-karatteristika tal-Poplu Malti. Il-President Fenech Adami żied jgħid ukoll illi mingħajr l-Istrina, l-Community Chest Fund titlef ħafna mill-għajnuna li tagħti.  

Il-President wera l-apprezzament tiegħu lejn l-organizzaturi u n-numru kbir ta` voluntiera, il-GO, id-ditti ta’ awdituri u lill-istazzjonijiet tat-televiżjoni li kienu wara s-suċċess ta’ l-Istrina 2006.

Il-President Fenech Adami appella lill-Poplu Malti u Għawdxi sabiex jerġa` jagħti l-kontribut finanzjarju u wkoll is-support tiegħu għall-Istrina 2007 li ser issir fid-29 ta’ Dicembru.