OPR - Il-Ħadd 3 ta' Diċembru, 2006

Is-Sinjura Mary Fenech Adami ħalliet Malta dalgħodu għar-Renju Unit.

Is-Sinjura Fenech Adami, li hi wkoll Vice Chairman tal-Malta Community Chest Fund, ser iżżur il-pazjenti Maltin rikoverati fi sptarijiet fir-Renju Unit.

Ta’ min jgħid li l-Malta Community Chest Fund tagħti għajnuna lil min jakkumpanja lill-pazjenti Maltin li jkunu rikoverati barra minn Malta.

Is-Sinjura Fenech Adami mistennija lura Malta nhar il-Ħamis 7 ta’ Diċembru, 2006.