OPR - Il-Ġimgħa,, 27 ta' April, 2007

Il-President ta’ Malta u s-Sinjura Fenech Adami jirringrazzjaw lill-pubbliku u l-voluntiera li taw sehemhom fl-attivita’ tal-15 ta’ April 2007, meta l-Palazz ta’ San Anton kien miftuħ għall-wiri bil-għan li jinġabru fondi għall-Malta Community Chest Fund, il-Fond li għandu bżonn dejjem aktar flus biex ilaħħaq mat-talbiet għal għajnuna f’każi ta’ mard u għall-bżonnijiet bażiċi minn familji u ndividwi li jinsabu fi problema.

 

L-Uffiċċju tal-President jinforma li nġabret is-somma ta’ Lm8,632 mid-donazzjonijiet li ngħataw għad-dħul għall-Palazz, mill-bejgħ ta’ pitturi u oġġetti oħra.

 

L-Uffiċċju tal-President apprezza l-kooperazzjoni ta’ Heritage Malta fil-ġbir ta’ parti mid-donazzjonijiet u lill-Bank of Valletta, Airmalta, Farsons, u l-Maltacom li ħadu l-offerta ta’ xiri ta’ mitt biljett bi prezz speċjali għad-dħul u wara ngħataw lill-ħaddiema tagħhom.

Viżitaturi fil-Palazz ta' San Anton waqt 'open day' - attivita' ta' ġbir ta' fondi għall-Malta Community Chest Fund

Il-President Eddie Fenech Adami jiltaqa' ma membri tal-pubbliku waqt li kienu qed jżuru il-Palazz ta' San Anton f' "Open Day" - attivita' ta' ġbir ta' Fondi ghall-Malta Community Chest Fund