Tliet kapijiet tal-missjoni ġodda ppreżentaw il-kredenzjali diplomatiċi tagħhom lill-President ta’ Malta George Vella fil-Palazz ta’ Sant’Anton nhar il-Ħamis 21 ta’ Ottubru 2021.
L-Ambaxxatur tar-Repubblika tal-Moldova Anatolie Urecheanu kien l-ewwel wieħed li ppreżenta littri ta’ kredenzjali tiegħu. Ġiet diskussa l-pandemija tal-Covid-19, fejn il-President Vella sejjaħ għal rispons multilaterali b’saħħtu u kkordinat li jeħtieġ li naħdmu id f’id mas-sħab internazzjonali kollha. L-Ambaxxatur Urecheanu rringrazzja lil Malta għall-għajnuna mogħtija lill-Moldova fis-sajf tal2020 meta pprovdiet tagħmir protettiv.
Il-koperazzjoni fil-livell multilaterali ssemmiet ukoll fit-taħditiet, fejn kemm il-President Vella kif ukoll l-Ambaxxatur Urecheanu identifikaw lin-Nazzjonijiet Magħquda bħala pjattaforma eċċellenti għal tali kollaborazzjoni.
Imbagħad ippreżentat l-ittri ta’ kredenzjali tagħha l-Ambaxxatriċi tar-Repubblika Slovakka Karla Wursterova. Il-President Vella qal li r-relazzjonijiet bejn iż-żewġ pajjiżi huma eċċellenti u żied jgħid li hemm diversi opportunitajiet li jistgħu joffru benefiċċji reċiproċi. L-Ambaxxatriċi Wursterova qablet u esprimiet l-intenzjoni tagħha li ssaħħaħ il-kuntatti fl-oqsma tal-kummerċ, tat-turiżmu, taxxjenza u tal-edukazzjoni.
Ġew diskussi wkoll il-kwistjoni tal-migrazzjoni fil-Mediterran u s-sitwazzjoni tal-Viċinat tanNofsinhar u tal-Lvant tal-Ewropa kif ukoll l-iżviluppi fil-Balkani tal-Punent.
It-tielet waħda li ppreżentat l-ittri ta’ kredenzjali tagħha kienet l-Ambaxxatriċi tar-Repubblika talAwstrija Erika Bernhard. Il-President Vella osserva li Malta u l-Awstrija għandhom relazzjonijiet bilaterali eċċellenti, kif jidher fin-numru ta’ skambji li saru fl-aħħar snin, u anki abbażi talinvestimenti li negozji Awstrijaċi għamlu f’Malta u li kienu ta’ suċċess matul is-snin. L-Ambaxxatriċi Bernhard spjegat kif matul il-mandat tagħha ser tiffoka fuq it-tisħiħ tal-iskambji kummerċjali, itturiżmu u l-koperazzjoni kulturali.
Minbarra l-kwistjonijiet ta’ interess bilaterali, il-President Vella u l-Ambaxxatriċi Bernhard iddiskutew kwistjonijiet globali urġenti bħat-tibdil fil-klima, is-sostenibbiltà u l-migrazzjoni.
Matul ikla ta’ nofsinhar mal-kapijiet tal-missjoni l-ġodda, il-President George Vella ħeġġiġhom kollha biex ikomplu jesploraw il-ħafna possibbiltajiet li toffri Malta u ħeġġiġhom iżuru lil Malta kemm jista’ jkun ta’ spiss.
