Midja

Għaddejjin ġmielhom il-preparamenti għall-edizzjoni ta’ din is-sena tal-Ball of the August Moon; it-tielet edizzjoni taħt il-Presidenza tal-Eċċellenza Tagħha Myriam Spiteri Debono.

Waqt li żaret il-Kastell Verdala, fejn għada se jsir dan il-Ballu storiku b’risq il-Malta Community Chest Fund, il-President ta’ Malta segwiet l-aħħar tħejjijiet u ltaqgħet mal-ħaddiema tal-Uffiċċju tal-President ta’ Malta u ta’ entitajiet privati li qed jaħdmu bla heda biex dawk kollha li jattendu jgawdu esperjenza unika.

F’kummenti lill-midja, il-President irrikonoxxiet il-ħidma li ilha għaddejja għall-aħħar ġimgħat, u li wasslet biex kienet irreġistrata żieda konsiderevoli fil-konkorrenza għall-edizzjoni ta’ din is-sena, tant li sa ġimagħtejn ilu kienu nbiegħu l-biljetti kollha disponibbli.