L-Uffiċċju tal-President ta’ Malta jinforma li l-E.T. il-President Myriam Spiteri Debono se tattendi għall-funeral tal-Qdusija Tiegħu l-Papa Franġisku, li se jsir nhar is-Sibt li ġej.
Fuq stedina tal-Istat tal-Vatikan għal delegazzjoni Maltija ta’ ħames persuni waqt iċ-ċerimonja uffiċjali, id-delegazzjoni, immexxija mill-Eċċellenza Tagħha l-President ta’ Malta Myriam Spiteri Debono ser tinkludi wkoll lil żewġha Dr Anthony Spiteri Debono, l-Onorevoli Prim Ministru Dr Robert Abela u martu Dr Lydia Abela, kif ukoll l-Onorevoli Kap tal-Oppożizzjoni, Dr Bernard Grech.