L-E.T. Myriam Spiteri Debono, President ta’ Malta, ippreżentat l-Ittri ta’ Kredenzjali lill-E.T. Prof. Dr Glen Farrugia, Ambaxxatur mhux residenti ta’ Malta għall-Federazzjoni Żvizzera.
L-Ambaxxatur Farrugia tkellem dwar l-impenn tiegħu biex jaħdem għat-tisħiħ tar-relazzjonijiet bejn iż-żewġ pajjiżi, u enfasizza l-opportunitajiet li jistgħu jinħolqu kemm fuq skala bilaterali u anke fuq skala multilaterali.
Il-President ferħitlu għal din il-kariga l-ġdida bħala rappreżentant ta’ Malta għall-Iżvizzera, u awgurat li l-ħidma tiegħu tkun fejjieda u fl-aqwa interess ta’ Malta.